Just a quote !

كل شئ عند العطار إلا حبني غصب

You're NOT alone

I know I didn't talk to you .. may be I'm the only one who didn't call you and say sweet words !
This isn't because I don't care !
I just wanted to give you a space .. I didn't want to push you to the edge
I know you .. words won't change anything for you.
So, I won't say sweet words .. I'll give you a space to think and recover !
Just wanted to say that You're not alone , I care about you and I love you .

أنا بقا حسيت ده معاك

من يومين كنت راكبة ميكروباص وسمعت بالصدفه اغنية لتامر حسني..بغض النظر عن اني مبحبش اسمعله خالص بس شدني كلامها
كانت بتقول :

عمرها حصلتلك دي..
تبقي لسه شايف حد وانت لسه متعرفوش ..ايوة متعرفوش
بس نفسك تجري عليه..
تحضنه وتنام في عينيه وانت لسه متعرفوش..ايوة متعرفوش

عمرها حصلتك فعلا !
انك تعرف حد ومن اول كلام بينكوا تبقي نفسك تقرب منه اوي
من اول مرة تعامل بينكوا تقول ان الحد ده هيبقي جزء اساسي من مستقبلك
مقصدش حب من اول نظرة والكلام ده عشان مش مقتنعه انه ينفع حب بالنظر بس
بس اقصد انه تبقي جواك احساس كده ان الشخص ده هيبقي مهم فعلا في حياتك
هو ده ينفع فعلا !

أنا بقا حسيت ده معاك
أنا بقا طالباني هواك
أنا بقا من يوم ما شفتك
مش متخيل غير عمري معاك

الاحساس ده علي قد ماهو حلو اوي علي قد ماهو مش طبيعي
مش طبيعي مش اقصد وحش ..بس مش طبيعي يعني غريب

انا فعلا عندي الاحساس ده اوي..رغم ان محدش بيعرف الغيب ولا حد بيعرف بكرة في ايه
بس انا بقا حسيت ده معاك !

ليه

ليه في ناس تعرفها لوقت قليل ومتنسهاش ابدا
وناس تعرفها سنين ومتسيبش فيك آثر
ليه في ناس تحبها ومتحبكش
وناس تحبك وانت مبتحبهاش
ليه لما تعوز حاجه اوي متحصلش
ولما تكره حاجه اوي تحصل

Serendipity

مينفعش اعرف ان الفيلم ده جاي ومشوفهوش
Serendipity is the effect by which one accidentally discovers something fortunate, especially while looking for something else entirely
ده تعريف ويكيبيديا والكلمة اتصنفت من ضمن اصعب 10 كلمات انجليزية في ترجمتها
فيلم في منتهي الروعه ..رغم ان سمعت اراء كتير اوي من الناس اللي ماشيه بمنطق خالف تعرف واللي بتحب تعمل فرقعات عشان الناس تشوفها
اللي يقولك استغفر الله العظيم دول بيشككوا ف وجود ربنا !!
انا طول الفيلم مسمعتهمش جابو سيرة ربنا اصلا جبت الكلام ده منين
واللي يقولك اعوذ بالله دول بيسخروا من القدر !!
فين ده برضو ولا هو كلام فرقعه عشان الناس كلها تكلمك وتجادلك
بعيدا عن كل ده الفيلم جامد اوي
انا بنصح كل اللي مشافهوش يشوفه مش هيندم

ض ج !

لأول مرة ف حياتي اشيل ماده.. عديت ال3 سنين كلهم من غير مااخد درجه رأفه واحده من الكليه وجيت علي سنه رابعه وشلت ماده ضعيف جدا!!
اول مااتصلت اجيب النتيجه فرحت اوي
لقيت مواد التيرم الاول 4 امتياز و واحده جيد وواحده مقبول
والتيرم التاني 2 امتياز و2 جيد جدا وواحده مقبول وف الاخر واحده ضعيف جدا
بعد ماكنت فرحانه اوي اتصدمت!
ازاي يعني هجيب ضعيف جدا ف ماده انا حليت فيها اه مش مقفلاها بس عمري ماهعك فيها لدرجه اني اجيب ضعيف جدا يعني جايبه اقل من 6 درجات من 20 ف الورقه!! الامتحان مكنش سؤالين بس مثلا عشان اقول مجال اني افقد درجات كتير لا دول كانو 10 اسئله يعني لو غلطت ف اتنين ولا تلاته ولا اربعه حتي الباقي صح
ولا حتي غلطت ف 6 اسئله يعني هجيب 8 وتترفع تبقي مقبول
اول سنه اجيب فيها جيد جدا واول سنه اشيل فيها ماده
كده اتحجب عني التقدير طبعا عشان شايله ماده وراح عليا الترتيب ع الدفعه وهمتحن الماده تاني وانا حقي اكون نجحت فيها وهيتكتب ف شهادتي اني متخرجه من دور اكتوبر كل ده بسبب تقدير انا متأكده مليون ف المية انه مش بتاعي
مخنوقة بشكل بشع ودماغي هتنفجر من كتر التفكير مش قادره اتخيل اني حليت غلط لدرجه اني اجيب اقل من 6 من 20 مش ممكن تكون درجتي ومش عارفه اعمل ايه ولا عارفه انام ولا ليا نفس اكل ولا ليا نفس اشوف حد ولا اعمل اي حاجه ف الدنيا

يا حلوة يا شايلة البلاص !

اصل انا طالبيه معايا بقالي يومين اسمع اغاني متقال
بحب اغاني الراجل ده اوي
الفراولة
بص ع الحلاوة
البت بيضا
كفايه دول :)
اسمعوا معايا وخلي دماغكم تضرب زيي D:
المرة الجايه هجيبلك شويه حاجات مجنونه اكتر