شركة المرعبين المحدودة

شركة المرعبين المحدودة..ايوة خليك معايا..مدام مخيفه في اجازة تسمع صرختها المسجله؟
انا بعشق الفيلم ده
وبوو حبيبة قلبي بحس انها بريئه اوي وعسوله اوي اوي وبحب احط صورتها علطول
طبعا الموضوع باين من العنوان
مش هتكلم عن الكارتون كله (لو اتكلمت مش هخلص بقا ده في كتيييييير)
بس اكتر حاجه بحبها شركة المرعبين وبعديه بقا مدغشقر وهوودوينكد وكوربس برايد وحاجات كتير تاني
شركة المرعبين المحدوده
نحن نسعي لغد افضل..اليوم
اكتر شخصيه بحبها فيه
بوو :
منتهي البرائه وخفة الدم وكل حاجه ممكن تحبها ف الاطفال

شلبي سولفان :
حنون جدا وطيب ويخليك تحس كده ان صحيح الناس مش باشكالها

مارد وشوشني :
ده اخف دم فاكهة الفيلم زي مابيقولوا الصديق المخلص اللي مش بيسيب صديقه مهما حصل

أندل:
اسم علي مسمي الحقود الندل اللي يعمل اي حاجه عشان محدش يبقي احسن منه

طبعا في روز:
المديرة المتسلطته القبيحه

وفي أبو عنكبوت :
صاحب الشركه اللي يعمل اي حاجه عشان الشركة متنهارش
((أنا اخطف الف طفله ولا إن شكرتي تنهار وابعد اي حد يقف في طريقي)

الباقي شخصيات هامشيه
بس في شخصيه رغم دورها الصغير كنت بحبها وحافظه المشهد بتاعها كله(علي اساس اني مش حافظه الفيلم كله)
المنفي ..مرحبا في الهملايا
كفايه كده واقوم اذاكر عشان لو فتحت في الكلام عن الفيلم ده مش هبطل
انا ايه اصلا اللي بتكلم عنه ده
يلا اهو حاجه تكسر الملل :)